Tetesi za soka Ulaya 17.01.2021: Rice,Pogba Rice, Wijnaldum, Garcia, Wilshere, Martinez, Camara;
Juventus inajiandaa kuwailisha ombi la kumsajili kiungo wa kati wa Man United Paul pogba mwishoni wa majira ya joto, wakiamini kwamba Man United watalazimika kupunguza bei ya kumuuza mchezaji huyo wa Ufaransa , mwenye umri wa miaka 27 ambaye kandarasi yake itakamilika majira ya joto 2022.. (Calciomercato, via Sunday Express)
Mkufunzi wa West Ham United David Moyes anasema kwamba Chelsea na Man United hazijawasiliana na West Ham kuhusu uhamisho wa kiungo wa kati wa klabu hiyo Declan Rice, 22. (Amazon, via Mail on Sunday)
Kandarasi ya kiungo wa kati wa Uholanzi Georginio Wijnaldum katika kabu ya Liverpool inakamilika katika majira ya joto na mchezaji huyo mwenye umri wa miaka 30 atakataa kandarasi mpya ili kukamilisha ndoto yake ya kujiunga na FC Barcelona. (Sunday Mirror)
Aston Villa imeanzisha mazungumzo na Marsaille kuhusu makubaliano ya kumnunua kiungo wa Ufaransa Morgan Sanson.. (Mail)
Beki wa Manchester City Eric Garcia, ambaye kandarasi yake inakamilika mwisho wa msimu huu amehusishwa na uhamisho wa Barcelona lakini huenda hamu hiyo ya mabingwa hao wa Uhispani ikakatizwa baada ya kuahirisha uchaguzi wa rais hadi Mwezi Machi. . (Manchester Evening News)
Bournemouth iko tayari kumpatia ofa aliyekuwa mchezaji wa Arsenal Jack Wilshere - ambaye amekuwa akifanya mazoezi na klabu hiyo ya ligi ya Championship baada ya kuondoka West Ham.. (Talksport)
Borussia Dortmund inamchunguza mshambuliaji wa PSV Eindhoven Donyell Malen 21 , ambaye aliichezea Arsenal kwa muda mfupi kama mchezaji atakayechukua mahala pake Jadon Sancho, 20, iwapo winga huyo wa England ataondoka. (Soccer News, via Daily Star on Sunday)
Leeds United na Bournemouth zina hamu ya kumsajili kiungo wa kati wa Swansea City mwenye umri wa miaka 22 Yan Dhanda. (Mail)
Klabu kadhaa za Premia zinamnyatia kiungo wa kati wa Benfica Ronaldo Camara ,18 baada ya mchezaji huyo wa timu ya vijana na Ureno kutofautiana na klabu hiyo.. (Mail)
Comments
Post a Comment