CHIKWENDE KUIKOSA KLABU BINGWA SABABU YAELEZWA

 CHIKWENDE KUIKOSA KLABU BINGWA AKIWA NA SIMBA

INAWEZEKANA ikawa ni habari mbaya kwa mashabiki wa Simba baada ya winga machachari, Perfect Chikwende kutokuwa sehemu ya wachezaji watakaosafiri kwenda nchini DR Congo kucheza mechi ya hatua ya makundi Ligi ya Mabingwa Afrika dhidi ya AS Vita.

Simba inaondoka, huku mchezaji huyo akikosekana kutokana na awali tayari alishacheza Ligi hiyo akiwa na Fc Platinums, Awali katika mchezo wa kwanza baina ya Simba DHIDI ya Fc Platinums, CHIKWENDE alikuwa nyota wa mchezo huu, huku akiipatia timu yake ushindi wa bao 1-0,

Fc Platinums licha ya kupata ushindi katika mchezo wa kwanza, walipokuja katika mchezo wa marudiano walifungwa 4-0 mchezo uliopigwa katika uwanja wa Benjamini Mkapa na Platinums walitolewa na Simba waliingia katika hatua ya makundi.

Baada ya mechi hiyo Simba waliwekeza nguvu kuhakikisha wanaidaka saini ya mchezaji huyo

Chikwende akiwa na Simba ameweza kuingia katika kikosi cha kwanza na ubora wake wa kumiliki mpira na spidi katika kupeleka mashambulizi imewafanya wadau na wapenzi wa klabu hiyo kuvutiwa nae, huku ikiwa mpaka sasa ameshafunga bao moja dhidi ya Al Hilal ya Sudan katika Mashindano ya Simba Super Cup, na assist moja aliyoitoa kwa nyota mwezake wa Ghana Bernard Morrison katika Ushindi wa mabao 2-1 dhidi ya Polisi Tanzania katika mchezo wa ligi kuu Tanzania bara.