TSHISHIMBI ATOA NENO KUELEKEA MECHI DHIDI YA SIMBA, HII LEO

TSHISHIMBI ATOA NENO KUELEKEA MECHI DHIDI YA SIMBA

Kiungo wa zamani wa klabu ya Young African, amber kwa sasa anakipiga kunako klabu ya AS Vita ya DRC Congo, Papy Kabamba Tshishimbi atoa angalizo kuelekea mechi yao ya leo dhidi ya Simba, Kabamba amesema, Simba wasitegemee urahisi wa kupata ushindi katika MECHI hio licha ya kueleza katika maeneo mbalimbali kuwa wanaweza kulitimiza jambo hilo.
Tshishimbi alisema anawaheshimu Simba ni timu kubwa hadi imefika katika hatua hiyo si jambo la rahisi, lakini maandalizi ambayo wameyafanya na muda waliotenga kuwafuatilia wapinzani wao, watakutana na wakati mgumu.
“Tunatambua katika soka jambo lolote linaweza kutokea, lakini mashindano haya ili uweze kufika mbali kama malengo yetu yalivyo unatakiwa kupata kila pointi tatu ambazo utakuwa unacheza nyumbani na jambo hilo tunaanza dhidi ya Simba.
“Tulitenga muda wa kutosha kuwafutilia Simba,na namna ambavyo wanacheza na ubora wao unatokana katika maeneo gani na tumeyafanyia kazi yote hayo ili kuwazidi uwanjani, kupata kile ambacho tunakihitaji ingawa tunatambua wapinzani wana kikosi kizuri.
“Unajua katika timu yetu kama tunacheza na timu kutoka mahali fulani kama kuna mchezaji amewahi kutoka kucheza hapo katika kipindi cha karibuni au moja ya timu yenye ushindani na hiyo anakuwa anatumika kuwasaidia makocha katika masuala ya mbinu na mambo mengine ya msingi.
“Hata kwangu nimekutana na jambo kama hilo, Simba nawajua na tangu nimetoka kucheza nao hata mwaka mmoja haujamalizika, lakini hata makocha wetu wawili wanaifahamu vizuri timu hii na nina imani kubwa hawatakuwa na wakati rahisi kupata ushindi mbele yetu,” alisema Tshishimbi.
Mchezo huu kati ya As VITA dhidi ya SIMBA, utapigwa Majira ya Saa 2 kwa Majira ya DRC CONGO huku ikiwa ni sawa na saa 4 usiku nchini Tanzania, utakaopigwa jijini Kinshasa DRC Congo.